Partizani pas fitores me Laçin ka pushuar në 24 orët në vijim, ku e marta ka qenë një ditë e vështirë për gjithë vendin.
Nga sot pritet të nisë puna për ndeshjen e radhës, ku i pret transferta e Ballshit. Për shkak të fatkeqësisë natyrore që ka përfshirë së fundmi Shqipërinë, që u shoqërua me viktima dhe dëmtime materiale, FSHF ka vendosur që të pezullojë aktivitetet e kësaj fundjave në futbollin shqiptar.
Shtyrja e kampionatit, ku të shtunën ishte planifikuar të luhej me Bylisin, bën që të zhvendoset edhe axhenda e derbit të kryeqytetit. Partizani-Tirana ishte planifikuar të luhej më 5 dhjetor, por tani është e sigurt që ky takim nuk do të luhet në këtë datë, e cila përkonte me ditë të enjte.
