Aktivizimi i Garet Bejlit ka provokuar fërshëllima të shumta në stadiumin “Santiago Bernabeu”. Tifozët madrilenë nuk e kanë mirëpritur flamurin e tij pas kualifikimit me Uellsin, ku vendoste skuadrën spanjolle të fundit në listën e prioriteteve. Megjithatë, trajneri Zidan i ka dalë sërish në mbrojtje dhe thotë se madrilenët duhet ta mbështesin, sepse është futbollisti i tyre.
“Të gjithë kemi nevojë për mbështetje, skuadra dhe Bejl në veçanti. Shpresoj që të mos e bëjnë gjatë gjithë sezonit. Nuk e di nëse ai do të jetë titullar kundër PSG-së.
Ndeshja? Më pëlqeu mënyra se si reaguam dhe impenjimi në fushën e lojës. Skuadra ishte e motivuar në maksimum për të marrë pikët. Modriç? Të gjithë e dimë se çfarë është i aftë të bëjë, tha Zidan.
