Te Juventusi mund të marrin frymë lirisht, për sa i përket dëmtimeve që kishin vuajtur në kombëtaret respektive, dy prej titullarëve të trajnerit Mauricio Sarri.
Mbrojtësi i majtë brazilian, Aleks Sandro, për të cilin ishte edhe frika më e madhe, vizitat mjekësore të kryera mbrëmjen e djeshme kanë saktësuar se tërheqja në muskujt e kofshës së majtë nuk është serioze, ndaj 28-vjeçari do të mungojë për sfidën e të shtunës ndaj Atalantës, por mund të jetë në dispozicion të martën, kundër Atletikos së Madridit, në Champions.
Me shumë mundësi, edhe Miralem Pjaniç mund të pushojë në transfertën e Bergamos, teksa është stërvitur veçmas grupit dje, por do të jetë gati ndaj spanjollëve.
