Kur ka mbetur edhe një garë nga mbyllja e sezonit në Formula 1, Ferrari mund të krenohet me një çmim, atë të “Pilotit më të shpejtë”. Ky çmim iu dha pilotit Charles Leclerc, që këtë sezon ka arritur 7 “pole position”, si askush tjetër.
Pas tij, për momentin renditet Valtteri Bottas me 5 “pole”, Lewis Hamilton me 4, ndërsa Sebastian Vettel e Max Verstappen kanë arritur 2 herë të sigurojnë “pole” këtë sezon. Leclerc është në sezonin e tij të parë me Ferrarin dhe ky rezultat është padyshim një ogur i mirë për të në të ardhmen.
Gjithsesi, edhe pse siguroi 7 “pole”, monogasku ka arritur vetëm në dy raste t’i kthejë ato paraqitje të mira të së shtunës në fitore ditën e diel: Në Spa dhe Monza.
