Marko Xhamopaolo u shkarkua nga stoli i Milanit pas 8 ndeshjeve të para të këtij sezoni, ndonëse ishte emëruar në stolin e kuqezinjve vetëm në verën që lamë pas.
Drejtuesit e Milanit nuk ishin të kënaqur me lojën dhe rezultatet e arritura nga Xhampaolo, dhe për këtë arsye vendosën ta largojnë atë duke ia besuar drejtimin e ekipit, Stefano Piolit. Megjithatë ish-trajneri i Sampdorias tashmë mund të fillojë një aventurë të re, pikërisht në Serie A.
Sipas asaj që shkruajnë mediat italiane, e ardhmja e Xhampaolos nga sezoni i ardhshëm mund të jetë te Udineze.
Luka Goti i cili tashmë është në drejtimin e bardhezinjve pritet të qëndrojë deri në qershor, më pas do të kërkohet një trajner tjetër. Pikërisht emri më i përfolur është ai i Marko Xhampaolos, i cili momentalisht është i papunë.
