Mesfushori i Kombëtares, Kristi Qose, i cili u aktivizua si titullar në sfidën ndaj Francës, ka shënuar një gol fantastik me fanellën e Ruzomberok në sfidën ndaj Senicës, që përfundoi në barazim 2-2.
Miqtë shënuan 2 herë në pjesën e parë, ndërkohë që në minutën e 63-të, Qose nxorri nga repertori i tij një perlë, teksa me një gjuajtje të kalibruar në hyrje të zonës, rihapi sfidën.
8 minuta nga fundi Ruzomberok shënoi golin e barazimit me 11-metërsh. Skuadra e mesfushorit shqiptar mban vendin e 4-t, pas 16 javësh me 24 pikë të grumbulluara.
