Lacio ka triumfuar ndaj Juventusit dhe ka fituar Superkupën e Italisë, duke arritur një sukses të madh.
Në këtë sfidë protagonist ishte dhe portieri i Kombëtares, Strakosha, që me pritjet kryesisht në pjesën e dytë ndihmoi ekipin e tij.
Strakosha është vlerësuar me notën 6 nga “Tuttomercato.web”, e cila shkruan: “Ai zgjedh mirë kohën në goditjen diagonale të Kristiano Ronaldos, por shtyn pak: kështu që Dibala shënoj dhe një përqindje faji është e tij. Por më pas ai përmirësoi veten, duke i dhënë siguri repartit të tij”.
Ndërkaq “Calciomercato.com”, e ka vlerësuar shqiptarin me notën 6.5. “Në golin e parë të Dibalës, mund të bënte pak. Për pjesën e tjetër të lojës, ai ishte i saktë dhe jep siguri. Në fund ai mbetet i qetë, pavarësisht sulmeve të Juves”.
Vlen për t’u theksuar se Strakosha po bën një sezon mjaft të mirë me Lacion, që deri tani po konfirmohet një skuadër tepër e fortë.