Pankina e Partizanit mbetet pa timonier stabël pas shkarkimit të trajnerit Franko Lerda, që erdhi si shkak i humbjes në derbin e 13 dhjetorit.
Dy ndeshjet e fundit të kampionatit u mbyllen me staf provizor, me dyshen Renaldo Kalari-Genc Tomori. Ishte menduar që kampionët do ta gjenin shpejt pasuesin e Lerdës, por deri më tani drejtuesit nuk kanë bindur asnjë për të marrë drejtimin e Partizanit.
I huaj apo shqiptar? Kjo është enigma që pritet të zgjidhet para se ekipi të niset për fazë përgatitore në Turqi më 5 janar.
Gjasat janë që “demat” të kopjojnë Tiranën për drejtimin e ekipit, ku mund të vazhdohet me stafin ndihmës të Lerdës. Fillimi i 2020-ës pritet ta qartësojë këtë situatë dhe ekipi të nisë punën për pjesën e dytë.
