Mesfushorin e kombëtares së Shqipërisë dhe Peskarës Ledian Memushajn mund ta gjejë viti 2020 në një skuadër të re.
Teksa nga mediat italiane raportohet se 33-vjeçari u ka kërkuar “Delfinëve” të largohet gjatë merkatos së dimrit, “Tuttomercatoweb” hedh si hipotezë se futbollisti vlonjat mund të kalojë te Peruxha, e cila drejtohet nga ish-futbollisti i Milan Masimo Odo.
Nuk raportohet më tej nëse mes palëve ka patur kontakte, por qëndrimi i Memushajt te Peskara sa vjen e bëhet më i vështirë. Ai u penalizua nga klubi duke mos u thirrur për ndeshjen me Kievon për shkak të debateve me trajnerin e tij Luçiano Zauri.
