Ballafaqimi mes Napolit dhe Barcelonës në 25 shkurt në Itali rrezikon të zhvillohet në një atmosferë të nderë.
Tifozët napolitanë prej disa ndeshjesh kanë protestuar duke qëndruar në heshtje gjatë takimeve të “të kaltërve”. Indinjata e tyre ka marrë shkak nga rezultatet zhgënjyese të skuadrës si dhe për gjobitjet e shumta që tifogrupi i Napolit ka marrë për disa takime.
Kjo sjellje kundërshtuese e tyre është shfaqur haptazi në sfidat kundër Xhenonas, Bolonjës, Parmës dhe Genkut.
Ultrasit e Napolit kanë kërcënuar klubin se nëse vazhdon të vendosë masa ndaj tifozëve të tyre, ata do të kundërpërgjigjen duke mos festuar apo duartrokitur në takimet e ardhshme.
