Partizani mbetet në kërkim të trajnerit të ri, por klubi e ka gati axhendën që do të ndjekë për minifazën përgatitore dimërore.
Më 4 janar, ekipi do të grumbullohet në kryeqytet, ku do të kryejnë edhe seancën e parë, ndërsa 5 janari e gjen Partizanin në Turqi, ku edhe do të “karikojnë bateritë” për pjesën e dytë të sezonit. Ekipi pritet të qëndrojë rreth 12 ditë në Antalia dhe gjatë kësaj periudhe pritet që “demat” të luajnë 3 ndeshje miqësore.
Parashikohen përballje luksi për Partizanin, ku nuk përjashtohet edhe një miqësore me Trabzonsporin. Nëse do të ndodh ky test, i bie që të kemi një duel mes dy vëllezërve Ekuban, Kalebi që luan te Trabzonspori dhe Jozefi te Partizani.
