Irritimi i tifozëve të Kaljarit me arbitrin Fabio Mareska në takimin e djeshëm 1-2 me Lacion i ka kushtuar një gjobë drejtuesve të klubit.
Disa prej tifozëve të skuadrës italiane pështynë në drejtim të Mareskës, i cili lejoi vazhdimin e ndeshjes për më shumë se 8 minuta duke i dhënë mundësinë ekipit të Simone Inzaghit të përmbyste takimin nga 1-0 në 1-2.
Ditën e sotme, Federata Italiane e Futbollit (FIGC) e penalizoi Kaljarin me 20 mijë € gjobë për sjellje të gabuar të tifozëve.
