Pas trajnerit Bledi Shkëmbi dhe përgatitësit atletik, Iris Selimi, sot klubi i Teutës ka konfirmuar edhe dy lëvizje të tjera në stafin teknik.
“Panorama Sport” mëson se trajneri i portierëve, Bledar Rizvani dhe zv.trajneri italian, Françesko Vitobello, nuk do të jenë më pjesë e stafit teknik të durrsakëve.
Ata punuan për një vit e gjysmë si bashkëpuntorë të Shkëmbit, ndërsa tashmë drejtuesit e Teutës do t’i zëvendësojnë me të tjerë emra.
I vetmi që është konfirmuar si pjesë e stafit të ri të trajnerit Edi Martini është përgatitësi atletik, Eduard Salillari, një emër shumë i njohur në klubin durrsak.