Berat Gjimshiti është shndërruar në një hero në ndeshjen e sotme të Atalantës përballë Veronës.
Mbrojtësi i Kombëtares ka realizuar golin e tretë për të tijtë duke i dhënë fitoren në minutën 93, teksa deri në atë moment takimi ishte mbërthyer në shifrat 2-2.
26-vjeçari shfrytëzoi një pasim nga Toloi dhe me një goditje fluturimthi dhe aspak të zakonshme për një mbrojtës, dërgoi stadiumin në delir.
Kështu, shqiptari i dhuroi një fitore tejet të rëndësishme të tijve, ndërsa Atalanta ruan vendin e gjashtë në renditje dhe firmos suksesin e dytë radhazi.
Ndërkohë, përballë ishte Verona e Marash Kumbullës dhe Amir Rrahmanit.
Sa i përket Kumbullës, ai ishte rithjyer pranë skuadrës pas dëmtimit por nuk u aktivizua, ndërsa Rrahmani ishte titullar si zakonisht për 90 minuta.
