Zlatan Ibrahimovic mund të quhet lojtari më i ri i Milan. Futbollistit që para pak kohësh I përfundoi kontrata me Los Angelso Galaxy thuhet se ka zgjedhur përfundimisht të ardhmen e tij, për të cilën ishin në garë një sërë skuadrash nga vende të ndryshme.
38-vjeçari sipas ‘Gianluca Di Marzo’ ka zgjedhur të bëhet sërish ‘djall’, diçka të cilën e ka bërë edhe gjatë sezoneve 2010-2012. Milan ndërkohë po bën gati dokumentat e fundit për të zyrtarizuar shtatlartin, diçka e cila me shumë mundësi do të ndodhë të premten ose të shtunën.
Sipas këtij burimi Ibrahimovic do të firmosë një kontratë 6-mujore me 3 mln euro në sezon, më pas në bazë të paraqitjeve mund të rinovojë edhe për 1 vit tjetër.
