Juventus u mposht nga Lazio me rezultatin 3-1. Kjo ishte humbja e parë për bardhezinjtë në këtë sezon, por sigurisht që dhemb shumë pasi e shohin veten sërish pas Interit në tabelën e klasifikimit.
Pas ndeshjes, trajneri i juventinëve Maurizio Sarri dha një intervistë për DAZN, ku analizoi takimin në detaje.
Sarri u shpreh se luajtëm mirë deri në momentin që ishim 11 kundër 11.
“Pjesa e dytë u karakterizua nga episode, pjesa më e madhe e të cilëve shkuan kundër nesh. Megjithatë, kemi luajtur shumë mirë deri në momentin që ishim 11 kundër 11”.
“Kartoni i kuq i Cuadrado-s? Skuadra nuk respektoi detyrat, sepse lojtarët kanë qenë në pozicionin e gabuar, ka qenë një pakujdesi dhe kemi paguar për atë. Para ndeshjes kemi vendosur për disa pozicione të caktuara dhe nuk i kemi mbuluar”.
“Mendoj se ky moment ndryshoi gjithçka. Nuk jam dakord se ishte një rast i pastër për gol dhe mendoj se një karton i verdhë do të kishte qenë vendimi i duhur. Megjithatë, këto gjëra janë jashtë kontrollit tonë dhe kjo situatë u krijuar nga një gabim i yni”.
