Zlatan Ibrahimoviç gjendet pa një skuadër për momentin, dhe në Itali është Milani që flitet se kërkon shërbimet e suedezit.
Ndërkohë, ditën e sotme, nëpërmjet një postimi në “Twitter”, është klubi i Fiorentinës që i bën një thirrje të hapur Ibrës. “Po presim që të të shohim sërish në Itali” – shkruan klubi vjollcë, ndërkohë që ka postuar një foto pa bluzë të Ibrahimoviç, e që në fakt mban një fanellë vjollcë, që daton që nga koha kur ai ishte tek Milani, në takimin e vitit 2012 që përfundoi për Fioren ne shifrat 1-2.
Por, një shaka në lidhje me këtë situatë e ka lëshuar edhe vetë presidenti i klubit, Roko Komiso. “Ai nuk do vijë, ja ku më keni mua, po aq të vjetër” – u shpreh me shaka Komiso.
