Këtë vit mori nga presidenti i Republikës titullin “Mjeshtër i Madh i Sportit”. Ceremonia u zhvillua në qytetin e Vlorës mes miqve dhe të afërmëve.
Por Gani Mezini, që deri më sot konsiderohej legjenda e gjallë e gjimnasitikës shqiptare, mbylli sytë përgjithmonë sot, në moshën 74 vjeçare, raporton newsbomb.al.
Në profesion mësues historie, shkruan gazetari Ergys Alushi që e ka Mezinin të skicuar në librin e tij “Kampionët e Vlorës”. Ka disa tituj e medalje, “Qytetar Nderi i Vlorës”. Eshtë një ndër 10 sportistët më të mirë vlonjatë të shekullit të 20-të e ndër 100 sportistët më të mirë shqiptarë të këtij shekulli.
Ka fituar disa medalje të arta dhe tituj kampion kombëtar në sportin e gjimnastikës. Aq i madh ishte emri i tij sa këtë vit, nuk mbeti jashtë vëmendjes së presidentit Ilir Meta që i akordoi medaljen “ mjeshtër i madh i sportit”.
