Allegri e dëshiron prej vitesh, nuk është mister. Ndërsa, Fabio Paratici e ndjek prej një jete. Isco është gjithmonë i pranishëm në mendimet e Juventusit, e megjithatë prej disa javësh, drejtuesit bardhezi kanë dashur që të hetojnë thellë në këtë situatë.
Sepse mes spanjollit dhe Real Madridit është prishur diçka: mund të jetë hera e mirë që ai të divorcohet nga galaktikët pas vitesh të tëra propozimesh, kërkesash, tentativash për të kaluar atë mur që Florentino Perez ka vendosur.
Kontaktet e reja mes Juventusit dhe agjentit të futbollistit, por edhe klubit madrilen, kanë nxjerrë në shesh të vërtetën: duhen të paktën 80/85 ml euro për ta marrë Iscon nga Reali dhe për ta çuar në Torino, gjatë verës. Sigurisht, e gjitha kjo duke tejkaluar trajnerin. Jo vetëm kaq, por Manchester City ka lëvizur me kohë dhe po përgatit parakalimin, pasi Guardiola është i çmendur pas spanjollit. Pra, City vrapon dhe kërkesat ekonomike janë të larta. Juventusi gjithashtu vrapon, por skenari tashmë është shumë më i vështirë.
