Dhe zërat e merkatos janë kthyer me forcë. I fundit vjen nga Spanjë. E përditshmja Don Balon flet për një ofertë të Real Madrid prej 105 milionë euro për mesfushorin e Lazio-s.
Nuk është një risi, duke parë se Los Blancos janë interesuar për të edhe në të kaluarën, por më pas janë përqendruar te Paul Pogba, fiksimi i Zidane.
Sipas Don Balon, Florentino Perez është gati të bëjë një çmenduri për lojtarin e Simone Inzaghi-t. Një ofertë e tillë do t’i tundonte të gjithë, por jo presidentin e ba rdhekaltërve, Claudio Lotito.
Dy vite më parë, në fakt, ai ka refuzuar disa oferta të tilla. Milinkovic është në qendër të projektit të Lazio-s dhe duket shumë e vështirë që të largohet nga kryeqyteti italian. Kontrata e tij skadon në 2024-ën, që i bën drejtuesit e klubit të ndihet më të qetë.
Ka shumë mundësi që zërat që vijnë nga Spanja të kthehen edhe në sesionin e ardhshëm të merkatos, por duket se Milinkovic-Savic do të jetë një lojtar i Lazio-s edhe për shumë vite.