Ante Rebiç u transferua me shumë bujë te Milani në verë, por po kalon një periudhë shumë të vështirë te kuqezinjtë.
Sulmuesi kroat po gjen shumë pak hapësira me “Djallin” dhe si pasojë e kësaj mund edhe të largohet në janar.
Diçka e tillë konfirmohet nga “La Gazzeta dello Sport”, ku thuhet se për shkak të vështirësive që po has te Milani, kroati mund të rikthehet përsëri te Aintraht Frankfurti në janar.
Sipas raportit të sipër përmendur thuhet se marrëveshja 2-vjeçare e huazimit e cila përfshin një munësi blerje prej 25 milionë eurosh, mund të përfundojë në janar për t’i hapur vend Ibrahimoviçit.
