Ikona e Mançester Junajtid Erik Kantona ironizoi ish-ekipin e tij për paraqitjet e fundit të shëmtuara në kampionat.
Francezi e krahasoi këtë ekip me “ një të moshuar që tenton të bëjë seks”. “Mbreti Erik” njihet për batutat e tij therëse ndaj lojtarëve dhe skuadrave të ndryshme të futbollit.
“Të shikosh këtë Mançester Junajtid në këto momente është njësoj si të shohësh një të moshuar të bëjë seks. Përpiqet me të gjitha mundësitë, por në fund të ditës, secili zhgënjehet. Këtë nuk e them për vete, është një metafor”, shprehet 53-vjeçari.
Junajtid ndodhet 13 pikë larg zonës së kupave të Europës, ndërsa nuk po gjen dot ritmin e duhur në kampionat.
