Rrufe në qiell të hapur për trajnerin e Kukësit, Shpëtim Duro. Tekniku i skuadrës verilindore është gjobitur me gjysmën e rrogës, për shkak të deklaratës që bëri pas ndeshjes ndaj Skënderbeut, kundër tifozëve të Kukësit, duke u shprehur:
“Kampionati ka qenë shumë i ekuilibruar. Këta janë djem heronj sepse të gjithë kanë tifozë ndërsa ne na vijnë 5 tifozë këtu dhe shajnë futbollistët e tyre. Jemi në një ambient shumë të ftohtë ndryshe nga skuadrat e tjera dhe të jesh në vendin e parë është meritë e tyre”.
Si për ironi të fatit, gjoba ka ardhur në ditën e ditëlindjes, teksa trajneri kryeqytetas festoi ditën e djeshme 60-vjetorin e lindjes. Një vendim që ka zbehur disi atmosferën në kampin verilindor, edhe pse skuadra e mbylli vitin 2019 në vendin e parë, duke u shpallur kampion dimri.