Agjenti i Cristiano Ronaldos, Jorge Mendes, ka deklaruar se ylli portugez mund ta përfundojë karrierën në Itali me klubin aktual Juventusin.
Kontrata e ish-sulmuesit të Real Madridit me bardhezinjtë zgjat deri në vitin 2022, kur ai do të mbush 37 vjeç. Mendes në një intervistë për median italiane, Sky Sports thotë se klienti i tij është i lumtur në Torino dhe nuk ka dëshirë të largohet nga kampionati italian, që do të thotë se ai mund t’i jap fund karrierës në Serie A.
“Në Juventus ai është i lumtur, ka një trajner të shkëlqyer. Po, ai mund të përfundojë karrierën e tij te Juventus”.
Ronaldo dëshiron që me Juventusin të fitoi Uefa Champions League, një trofe i lakmuar prej 23 vitesh nga “zonja e vjetër”.
