Lionel Mesi fitoi para pak ditësh “Topin e Artë”, i cili ishte i gjashti për të në të gjithë karrierën e tij.
Shumë e emocionuar është shfaqur nëna e argjentinasit Celia Suçetini, e cila në një intervistë të dhënë së fundmi është shprehur se nuk e priste që djali i saj të fitonte përsëri “Topin e Artë”.
“Jam shumë e lumtur, nuk e prisja që Mesi ta fitonte këtë çmim. Ne kishim menduar se ‘Topi i Artë’ i pestë, do të ishte i fundit për të. Kjo ishte një surprizë shumë e bukur për të gjithë ne. Ai ne emocionon gjithmonë, nuk ndalet duke na befasuar me ato që arrin çdo ditë.
Kritikat nga Argjentina? Ju mund ta kritikoni atë, por pa e ofenduar. Si një nënë që jam, padyshim që kjo më dhemb. Natyrisht jo të gjithë duhet ta pëlqejnë atë. Kush më shumë se Mesi dëshiron të fitojë një Kupë Bote ose Kupën e Amerikës me kombëtaren e Argjentinës?”, u shpreh nëna e Mesit.
