Jemi pothuajse në fund të vitit dhe është mbyllur gjysma e sezonit. Kategoria Superiore ka nisur muajin e pushimeve pas 17 javësh me gola, fitore, humbje, dëmtime.
Ajo që bëri jo pak zhurme gjatë javeve të fundit, ishte shkarkimi i tre trajnerëve brenda 1 dite nga klubet Partizani, Teuta dhe Luftëtari.
“AlpeSport.al” risjell largimet më të bujshme nga stoli i trajnerëve gjatë vitit 2019:
1. Ardian Mema
KF Tirana dhe trajenri Mema ndërpreu bashkëpunimin në tetor (2019) pas humbjes me me Bylisin, rezultat i cili vinte pas disa ulje ngritjeve.
Trajneri nuk ishte paraqitur në stërvitje dhe pas një bisede me presidentin Refik Halili palët i kanë dhënë duart njëri-tjetrit.
2. Franko Lerda
Presidenti i Partizanit Gazmend Demi mbylli bashkëpunimin me trajnerin Lerda. Shkarkimi i teknikut italian erdhi pas humbjeve të Partizanit në dy ndeshjet e fundit.
Partizani humbi derbin ndaj Tiranës dhe u mposht nga Bylis.
3. Jorgos Marantas
Ka qenë vetë drejtori sportiv i Luftëtarit, Artur Dadaj mbylli bashkëpunimin me trajnerin Marantas pas rezultateve shumë të dobëta në gjysmën e parë të sezonit në kampionat.
4. Bledi Shkëmbi
Humbja ndaj Kukësit me rezultatin 4-0 ka rezultuar fatale për trajnerin e Teutës, Bledi Shkëmbi.
Lajmi u konfirmua nga vetë klubi durrsak nëpërmjet një njoftimi në faqen zyrtare, ku thuhet se palët kanë shkëputur marrëveshjen me trajnerin Shkëmbi, duke e falenderuar për kontributin e dhënë. Kujtojmë që 40-vjeçari ishte pjesë e Teutës prej 2 sezonesh.
5. Skënder Gega
Partizani dhe tekniku Skënder Gega vendosën që të mbyllin bashkëpunimin mes tyre në qershorin që lamë pas (2019).
Trajneri 55-vjeçar, i cili mori drejtimin e skuadrës vitin e kaluar, udhëhoqi skuadrën drejt një titulli në kampionat që mungonte prej 26 vitesh. Në 36 javë kampionati, Partizanin nën drejtimin e Gegës e mbylli me 70 pikë, teksa arriti plot 20 fitore, 10 barazime dhe 6 humbje Ai erdhi në drejtim të Partizanit në verën e vitit 2018, dhe që në vitin e parë arriti të rikthejë titullin kampion, pas plot 26 vitesh mungesë.
