Një ditë pas bojkotit të stërvitjes, sot në orën 14:00 skuadra e Skënderbeut ka bërë një mbledhje urgjente me praninë e presidentit Ardjan Takaj dhe pjesëtarëve të stafit.
Lojtarët kanë paraqitur te presidenti shqetësimin e tyre për pagat, pasi kanë me muaj të tërë që nuk shlyhen.
“Panorama Sport” mëson se Takaj ju ka dhënë garanci për anën financiare, ndërsa i ka urdhëruar të zbresin në fushë, sepse kjo çështje nuk mund të zgjidhet me bojkot. Lojtarëve u është premtuar se do të shlyhen së shpejti dhe kësisoji ata janë bindur për të nisur stërvitje.
Detajet e asaj që ka ndodhur sot në Korçë do t’i lexoni nesër në versionin print të “Panorama Sport”.
