Edi Martini e ka nisur me këmbën e mbarë kapitullin e ri si trajner i Teutës duke fituar minimalisht 1-0 përballë kampionëve në fuqi Partizanit duke i shkaktuar një tjetër humbje të kuqve.
Pas përfundimit të sfidës së tensionuar mes durrsakëve dhe kryeqytetasve, Martini tregoi se gjatë ditëve të fundit ka biseduar me secilin prej lojtarëve të Teutës për t’i çliruar nga ngërçi psikologjik. Ndër të tjera, Martini falenderoi dhe paraardhësin e tij Blendi Shkëmbi për punën e mirë të bërë te ekipi durrsak. Ai mbrojti idenë se sot nevojitej fitorja me çdo kusht.