Partizani është rikthyer te fitorja pas tre humbjeve radhazi. Skuadra e drejtuar nga Kalari, ka mundur me rezultatin e ngushtë 1-0 Vllazninë.
Goli i shënuar nga Eneo Bitri, ishte ai që vendosi këtë sfidë kaq delikate për të kuqtë.
Pjesa e parë ishte tepër e vakët, me shumë pak raste shënimi nga të dyja skuadrat. Pasime të gabuara dhe një ritëm jo i lartë, karakterizuan këtë 45 minutësh të parë.
Edhe pjesa e dytë nisi e tillë, por goli i Bitrit i dha ngjyrë sfidës dhe skuadrat u hapën, duke humbur raste të tjera për të gjetur golin.
Me këtë fitore Partizani ka shkuar në kuotën e 28 pikëve po kaq sa ka dhe Tirana, por të kuqtë ndodhen në vendin e katërt. Ndërsa Vllaznia mbetet në kuotën e 23 pikëve në vendin e shtatë.
