Fitorja e sotme ndaj Udinezes në kampionat ka një rëndësi të veçantë për veteranin Xhanluixhi Bufon. Ikona bardhezi dhe Italisë regjistroi sot paraqitjen e 700-ë në karrierë në nivel klubesh për kampionate.
Në karrierën e tij 24-vjeçare Xhixhi ka arritur të luajë 168 ndeshje me Parmën, 17 me PSG-në dhe 515 me Juventusin.
Edhe pse nuk është më titullar i padiskutueshëm te Juventusi, Bufon mbetet një lider i padiskutueshëm në fushën e lojës. Ai renditet si lojtari i dytë në historinë e Juves me më shumë paraqitje. Përpara tij qëndron Alesandro Del Piero me 705 takime, ndërsa ish-kampioni i botës me Italinë në vitin 2006 numëron me “Zonjën e Vjetër” 663 takime në karrierë.
