Fitorja nuk qetëson aspak situatën te Bologna. Skuadra nga Emilia-Romagna fitoi me shifrat 3-2 në transfertën e Lecce, por kjo duket se nuk vlen.
Diçka të tillë e konfirmon kjo përplasje mes trajnerit, Sinisa Mihajlovic dhe mesfushorit të tij, Gary Medel. Ndëshkimi me karton të verdhë i kilianit ka revoltuar serbin, i cili doli në fushë për të qetësuar lojtarin e tij, por situata më pas u përshkallëzua.
Ish mesfushori i Interit reagoi dhunshëm dhe sulmoi Mihajlovic.
“Sinisa i pëlqen të ndez shkëndijat. Këtë herë, ai e bëri atë me Medel, i cili është lojtari më i nxehtë në skuadër. Tani gjithçka ka kaluar dhe të dy po sqarojnë gjërat në dhomat e zhveshjeve,” tha ndihmësi i Mihajlovic, Emilio de Leo.
