Robert Levandovski po kalon një nga periudhat më të mira në karrierë, teksa në 25 ndeshje të zhvilluara këtë sezon në të gjitha kompeticionet ka arritur të shënojë 30 gola.
Megjithatë pavarësisht formës së shkëlqyer që po kalon, sipas “Don Balon” sulmuesi polak vazhdon të ëndërrojë për të luajtur me Real Madridin.
Thuhet se ëndrra e futbollistit është që të luajë një ditë me madrilenët, dhe shpreson që t’i plotësohet kjo dëshirë një ditë. Spanjollët kanë shfaqur interes disa herë me 31-vjeçarin, por nuk kanë arritur një marrëveshje me klubin e Bajernit.
Levandovski momentalisht nuk e mendon largimin nga Bundesliga, por shpreson që një ditë të ketë mundësinë të luajë për ekipin e Realit.
