Milan ka arritur marrëveshje me Barcelonë për Todibon, mbrojtësin i cili shkëlqeu kundër Interit në Champions League.
Sipas “Calciomercato.com” dhe “MilanNews.it”, klubet kanë dakordsuar që mbrojtësi francez të transferohet në formë huazimi në ‘San Siro’ me të drejtë blerje në fund të sezonit për 20 milionë euro. Raportohet se gjithçka është e kryer mes klubeve dhe tani fjalën e fundit e ka vet futbollisti, Jean-Clair Todibo, që ende s’ka vendosur.
Todibo ka luajtur shumë pak këtë sezon dhe për të mos humbur formën fizike dëshiron të transferohet në një skuadër që i krijon më shumë minuta në fushën e lojës. Në garë për mbrojtësin francez janë edhe Manchester United dhe West Ham.
