Është hedhur ditën e sotme, në Nion të Zvicrës, shorti i 1/8-ave, të Championsit. Ky short ka nxjerrë çifte shumë interesante, të cilat do të japin gjithçka për të kaluar në fazën tjetër.
Superpërballja do të jetë padyshim, ajo mes Reali dhe Mançester Sitit. Zidan dhe Guardiola do të vihen përballë, për një biletë për në fazën tjetër.
Gjithashtu një çift shumë interesant është ai mes Atletikos dhe Liverpulit, që do të bëjë anglezët të rikthehen në stadiumin që u shpallën kampionë Europe sezonin e shkuar.
Fati i ka buzëqeshur Juventusit, që do të ndeshet me Lionin, në një përballje, që nuk frikëson aspak italianët.
Një short shumë të vështirë ka pasur Napoli, që do të duhet të përballet me Barcelonën.
Ndërkaq Atalanta do të luajë ndaj Valencias, një short i kënaqshëm duhet thënë ky për italianët.
Çiftet e 1/8-ave:
1) Dortmund- PSG
2) Real Madrid- Mançester Siti
3) Atalanta-Valencia
4) Atletiko Madrid- Liverpul
5) Çelsi- Bajern
6) Lioni- Juventus
7) Totenhem-Lajpcig
8) Napoli-Barcelona