Duke filluar nga ora 21:00, Vllaznia do të zbresë në fushë përballë rivalëve qipriotë të AEL Limasolit për ndeshjen e kthimit të raundit të dytë të Ligës së Konferencës.
Shkodranët pas humbjes 1-0 në sfidën e parë, kanë të gjitha mundësitë për të përmbysur rezultatin dhe pse do të jetë e vështirë. Vllaznia tregoi se është ekip me shpirtin e garës, duke përmbysur boshnjakët e Shirokit pas humbjes 3-1 në ndeshjen e parë.
Sigurisht, një mbështetje e madh do të vijë dhe nga tifozët mbrëmjen e sotme, pasi priten të jenë 6 mijë mbështetës të shkodranëve në ‘’Loro Boriçi’’ për këtë takim. Trajneri Brdariç ka zgjedhur një formacion 4-3-3 për sfidën e sotme, ku blerja më e re Liridon Latifi do ta nisë si titullar ndeshjen.
VLLAZNIA-AEL 0-1
19′ Shçepoviç
MINUTË PAS MINUTE
90’+4’ Mbyllet ndeshja me fitoren 1-0 të AEL.
90’+3’ Jonuzi godet përsëri shtyllën. e pafat Vllaznia në këtë ndeshje.
86’ Momente tensioni në fushë, tifozët gjuajnë me shishe nga tribuna kryesore dhe godasin një lojtar kundërshtar, duke acaruar stafin e Vllaznisë që i kundërvihet mbështetësve.
84’ Përsëri Çoba shfaqet rrezikshëm në zonë dhe gjuan me kokë, por nuk gjen katërkëndorin.
75’ Çoba i shkon shumë afër barazimit kur pas një topi nga thellësia tenton portën, por portieri kundërshtar e ndal edhe pse me vështirësi, me sferën që i shpëtoi një herë nga dora.
66’ Dilaver i afrohet golit të barazimit teksa gjuan me kokë pas një harkimi të Latifit, topi përplaset në shtyllë e shkon në duart e portierit.
66’ Hoxhaj në anën e kundërt nis një harkim në zonë, por Dilaver nuk e shfrytëzon.
65’ Pele i sapofutur në lojë provon të gjejë portën, por godet rrjetën e jashtme.
59’ Ka hapësira për Çobën dhe Dilaver, ndërsa largohen Kruja dhe Kaleziç.
54’ Vllaznia sulmon më shumë në këto minuta dhe rrezikon sidomos me goditje standarte. Latifi dhe Imami i afrohen portës kundërshtare, pir nuk kalojnë dot mbrojtjen e ngjeshur të qipriotëve.
49’ Shçepoviç në të djathtën gjen hapësirën dhe nis një gjuajtje-kros në zonë, me Zogoviç që nuk mban sferën brenda kufijve të fushës.
46’ Nis pjesa e dytë e ndeshjes pa ndryshime te shkodranët.
45’+7 Mbyllet pjesa e parë me avantazhin minimal të AEL.
45’+5’ Pas një goditje nga këndi, Gurishta nuk arrin të devijojë me kokë drejt portës së miqve të cilët nisin një kundërsulm të shpejtë, por ndalen nga ndërhyrja e Jonuzit.
45’ Jepen 6 minuta shtesë si pasojë e ndalesave të shumta.
44’ Teikseira nuk ia del pas një dëmtimi dhe i lë vendin në fushën e lojës Sotiriou.
41’ Latifi shpërdoron përsëri një mundësi të mirë për të shënuar. Këtë herë është një harkim i Krujës nga e djathta i cili gjen sulmuesin, Latifi gjuan me kokë i vetëm para portierit por çon topin mbi traversë.
34’ Mundësia më e mirë për Vllazninë vjen nga një aksion i Bulatoviç në krah. Ai pason për Latifin në qendër por sulmuesi gabon kontaktin me sferën dhe e dërgon atë në duart e portierit qipriot.
30’ Latifi vazhdon të krijojë probleme për ekipin qipriot dhe një kundërsulm i tij sjell kartonin e verdhë të Tekseira.
27’ Bulatoviç e Kaleziç shpëtojnë Vllazninë nga një situatë e vështirë pas një aksioni të qipriotëve që u shfaqen me shumë lehtësi para portës së Zogoviç, por u ndaluan nga ndërhyrjet e dy lojtarëve të Vllaznisë.
28’ Latifi lëviz mirë në të djathtën dhe pas një tentative, fiton një goditje nga këndi, duke “zgjuar” kuqeblutë.
26’ Harkim i Krujës për Gurishtën i cili provon me kokë, por devijon sferën lehtë për portierin e miqve i cili kontrollon.
19’ Pësojnë gol shkodranët me mundësinë e parë të miqve. Shçepoviç niset në pozicion të diskutueshëm dhe para Zogoviç nuk fal, 0-1.
12’ Shçepoviç vazhdon të rrezikojë me lëvizjet e tij në mesfushë, duke detyruar Krymin të shkaktojë faull ndaj tij për të ndaluar një iniciativë të qipriotëve.
7’ AEL rrezikon portën e shkodranëve me një goditje dënimi të Torres, por prapavija largon, me Jonuzin i cili spastron zonën.
5’ Janë menjëherë shkodranët që krijojnë panik në prapavijën e qipriotëve, me Euler i cili ndëshkohet me të verdhë shumë shpejt pas ndërhyrjeve ndaj Latifit.
2’ Menjëherë rrezikshëm shkodranët me dy harkime në zonën kundërshtare.
1’ Nis ndeshja në Shkodër.