Juventusi ka marrë një fitore të vyer kundër Sampdorias në transfertë dhe kështu ka marrë kreun e Serisë A, me 42 pikë, tre më shumë se Interi me një ndeshje më pak.
Ekipi i Mauricio Sarrit, ka kaluar në avantazh me anë të Dibalës në minutën e 19-të, pas një goditje tepër të bukur brenda zone.
Kaprari në minutën e 36-të të takimit ka barazuar, pas gabimeve të njëpasnjëshme në mbrojtje.
Në fundin e pjesës së parë Ronaldo, me një goditje me kokë ka kaluar Juven në avantazh, të cilin e mbajti deri në fund dhe mori pikët e domosdoshme për vazhdimin e garës për titull.
Kështu Juventusi shkon me mendje të qetë, në ndeshjen e së dielës kundër Lacios për trofeun e Superkupës.
