Tottenham ka apeluar ndaj kartonit të kuq të marrë nga Son Heung-Min në humbjen ndaj Chelsea-t të dielën, këtë e ka konfirmuar trajneri i tij Jose Mourinho.
Spurs janë në pritje të verdiktit, në prag të ndeshjes me Brighton në “Boxing Day”.
“Shpresoj që ai të mos dënohet pesë herë,” shprehet Mourinho. “Një herë për faullin që Rudiger i bëri atij. Të dytin për kartonin e kuq. I treti do të ishte nëse s’do të luante ndaj Brighton, i katërti ndaj Norwich dhe i pesti ndaj Southampton.
Kështu që shpresoj që mjaftojnë dy dënimet e para, ai nuk e meriton të tretin, katërtin dhe të pestin.”
