Kthimi në grumbullim si një herë e një kohë i ish-futbollistëve të përfaqësueses shqiptare të futbollit për ndeshjen e yjeve, ka kthyer edhe batutat e famshme dhe ngacmimet që kishin me njëri-tjetrin lojtarët në vitet kur zbritnin në fushën e blertë.
Protagonistë sot, në udhëtimin me autobus të grupit kuqezi drejt një prej zonave të prekura nga tërmeti, kanë qenë Altin Rraklli dhe Klodian Duro.
Rraklli ka ngacmuar Duron për numrin e fanellës, pasi një herë e një kohë kishte “rivalitet” mes të dyve për atë me numrin 10.
“A e gjete numrin e fanellës”, e pyeti duke qeshur Rraklli. “Atë që kam mbajtur gjithmonë”, tha Duro.
“Me ty u rrita unë o burrë”, vijoi ai duke lënë të kuptohej se për këtë ndeshje ndoshta do t’i kthehej prapë 18-ës që kishte mbajtur në vitet kur luante Rraklli.
“Po se Kavaja dhe Elbasani kanë shkuar gjithmonë, mos kujtoni ju se nuk shkojnë”, vijoi mes të qeshurave të lojtarëve të tjetër Rraklli.
