Juventus pritet që të bëjë afrimin e parë të merkatos këto ditë, me Layvin Kurzawan që do të vishet bardhezi. Drejtuesit e Juves dhe PSG janë në detajet e fundit të mbylljes së marrëveshjes, por trajneri Maurizio Sarri nuk duket dhe aq entuziast.
Në konferencën përpara ndeshjes me Napolin, trajneri bardhezi u pyet sa i përket Kurzawas, por përgjigja e tij i habiti të gjithë, me Sarrin që u shpreh: “Nuk ia kam idenë që Kurzawa do të vijë te ne. Të them të drejtën, nuk e njoh mirë atë lojtar.”
