Marrëveshja ndërmjet Barcelonës dhe Xavit duket se është arritur. Konfirmimi vjen nga drejtori sportiv i Al-Sadd, Muhammad Ghulam Al Balushi. Zyrtari i klubit arab ka bërë me dije se klubi i tij është në dijeni të bisedimeve ndërmjet trajnerit dhe Barcelonës.
Ai ka lëshuar një fjali e cila tregon shumë për të ardhmen e Barcelonës dhe ish-mesfushorit. “Jemi në dijeni të negociatave ndërmjet Xavit dhe Barcelonës. Tani ne i urojmë atij suksese kudo që të shkojë”, – tha zyrtari i arabëve.
Një fjali e tillë duket si një konfirmim që marrëveshja ndërmjet palëve është arritur dhe Al-Sadd-i është i njoftuar për situatën në fjalë. Abidal nuk është në Doha vetëm për trajnerin Xavi, ai ka takuar dhe Dembelenë duke qenë se po vazhdon me fazën e rikuperimit aty.