Interi ka kontaktuar Antero Henrique dhe i ka ofruar t’i bashkohet ekipit të menaxhimit sipas një raporti nga francezja Le10Sport.
Që kur u largua nga posti i drejtorit sportiv te Paris Saint-Germain, portugezi 51-vjeçar është kontaktuar nga shumë klube europiane dhe kineze dhe Interi është i fundit që e ka kontaktuar.
Në karrierën e tij si drejtues, Henrique ka fituar 8 kampionate, 1 me PSG-në dhe 7 me Porto-n.
Gjithsesi raporti nuk e specifikon në mënyrë ekzakte se çfarë pozicioni ka menduar Interi për të, por pritet të mos ketë përplasje me rolin e Piero Ausilio.
Ausilio pritet të vazhdojë në rolin e drejtorit sportiv të paktën deri në vitin 2022.