Gjiganti italian synon ta transferojë gjatë verës që vjen sulmuesin argjentinas të Interit, i cili është i huazuar tek Paris Saint-Germaini
Juventusi është duke e monitoruar me kujdes situatën aktuale të Mauro Icardit.
Sulmuesi argjentinas është duke e kaluar këtë sezon në formë huazimi tek Paris Saint-Germaini.
Pas një fillimi të furishëm, përfaqësuesi argjentinas po kalon nëpër një krizë të golave në kryeqytetin francez.
Prandaj, kjo e bën të dyshimtë qëndrimin e tij më të gjatë tek kampioni aktual francez.
Dhe, e përditshmja italiane “Tuttosport” shkruan se Juventusi ka hyrë në garë për ish-futbollistin e Sampdorias.
Interi duket se nuk është i interesuar për ta mbajtur Icardin gjatë verës dhe do ta kërkojë një blerës adekuat. /Gazeta Express/
