Zlatan Ibrahimovic shënoi në fitoren e Milanit të tij 0-2 ndaj Cagliarit, me suedezin që u rikthye pas më shumë se 2000 ditësh që të shënojë me fanellën kuqezi. Si gjithnjë, Ibra njihet për karakterin dhe reagimet e tij, që shpeshherë pushtojnë faqet e para të mediave.
Edhe këtë herë, Zlatan nuk mund të qëndronte pa reaguar pas golit të shënuar, që vuri dhe një rekord, pasi sulmuesi tashmë ka shënuar në 4 dekada. Pas ndeshjes së sotme, Ibra ka postuar në Instagram një thënie ku shkruhet: “Kur mendja jote është e fokusuar, çdo qëllim është i mundur.”
