Atalanta, për Antonio Konten, është një sfidë si ish. Një kujtim jo shumë i lumtur, meqenëse ajo në Bergamo ishte një aventurë e shëmtuar e përfunduar me një shkarkim të parakohshëm, më shumë se dhjetë vite më parë. Megjithatë, pikërisht kundër skuadrës së Bergamos, trajneri interist luajti titullin e parë si kampion dimri në krye të Juventusit, brenda fushe.
Sot do përpiqet të bëjë të njëjtën gjë në drejtimin e zikaltërve për t’i rrëmbyer “trofeun” Juves, që ndërkohë qëndron në të njëjtin vend në klasifikim me pikë të barabarta.
STATISTIKAT – Një titull, ai “kampion dimri”, që ka një vlerë shumë të madhe dhe poetike nga se mund të duket. Jo vetëm sepse e thonë statistikat: më shumë se 2 herë nga 3 (në 69% të rasteve) kush vendoset përpara në fundin e fazës së parë në fund feston; përqindja rritet në 76% në epokën e tri pikëve për fitore dhe madje në 86% nga momenti kur Seria A është rikthyer me 20 skuadra.
Nga viti 2005 titullin e kanë fituar vetëm Juventusi dhe Interi, me Milanin në mes (në vitin 2011). Dhe “titulli i dimrit” i ka shkuar vetëm dy herë një skuadre që në fund nuk ka ngritur trofeun kryesor. Gjithmonë të njëjtës, në edicionet 2015-’16 dhe 2017-’18 e me të njëjtin trajner: Napolin e Mauricio Sarrit.
SFIDË E PAFUND – Sfida mes zikaltërve dhe bardhezinjve sheh në fushë forca të ndryshme. Në njërin krah është një trajner si Konte që ka një skuadër më të fortë e të vogël në numër, por di si fitohen “maratonat”, meqenëse në 4 raste nga 4 që është shpallur kampion dimri me Juventusin dhe Çelsin në maj ka festuar gjithmonë titullin.
