Barcelona ka barazuar 2-2 në derbin e Katalunjës që është luajtur në javën e 19-të të La Liga-s.
Ishte një ndeshje me emocione të mëdha, si gjithmonë, por Messi nuk ishte në formën e tij më të mirë duke qëndruar në hije përgjatë 90 minutave.
Vendasit e nisën mirë ndeshjen dhe gjetën golin e avantazhit në minutën e 23’ të takimit me Diego Lopez. Barça ishte dobët deri në fund të pjesës së parë, por pas pushimit ka luajtur me një mentalitet tjetër.
Luis Suarez ka barazuar rezultatin në minutën e 50’ pas krosit të Jordi Alba nga e mjajta, ndërsa nëntë minuta më vonë Arturo Vidal ka përmbysur duke kaluar për të parën herë në avantazh miqtë.
Situata vështirësohet për kampionët në fuqi kur De Jong ka marrë kartonin e dytë të verdhë dhe është larguar nga fusha.
Espanyol bën gjithçka për barazimin, dhe ia del me kinezin Wu Lei në minutën e 88’, 14 minuta pasi ishte futur në lojë.
