Po flitet për një kalim të tij te Atletico Madrid, por duket se diçka nuk do të ndodh, të paktën në merkaton e janarit.
Diçka të tillë e pohon trajneri i tij te Paris Saint Germain, Thomas Tuchel, i cili është i bindur se do e ketë në dispozicion të tij, Edinson Cavanin edhe në pjesën e dytë të sezonit.
“Është e vështirë për Cavanin. Dëmtimet e shpeshta në muajit e fundit e detyruan të humbas ritmin. Ai është i lumtur këtu dhe kam shumë besim tek ai dhe te Leandro Paredes. Unë mendoj se ata të dy do të qëndrojnë me ne,” u shpreh gjermani.
Cavani është futur në muajit e fundit të kontratës në “Parc des Princes” dhe përflitet “Los Colcheoneros” kanë arritur një akord për ta transferuar në Spanjë që në merkaton e janarit.