Junajtid ka arritur akordin me mesfushorin portugez, Bruno Fernandez, i cili pritet të bashkohet me anglezët në këtë merkato.
Sipas asaj që raporton “ESPN”, Junajtid ka arritur akordin me futbollistin dhe tashmë po tentojnë të bindin Sporting Lisbonën, të cilët zotërojnë edhe kartonin e futbollistit.
Thuhet se “Djajtë e Kuq” kanë ofruar 60 milionë euro për të marrë shërbimet e futbollistit, një ofertë e cila konsiderohet e ulët nga klubi portugez, të cilët kërkojnë të paktën 80 milionë euro për ta lënë të lirë mesfushorin. Tashmë pritet vetëm akordi mes palëve, që ky transferim të finalizohet.
