Ndeshjet Live Sport

LIVE/ Miqësore: Mbyllet ndeshja Uells-Shqipëri. Rezultati 0-0

Do të startojë në orën 18:00 sfida e parë miqësore e Kombëtares shqiptare ku do të sfidojë Uellsin në stadiumin “Cardiff City”.

Shqipëria e drejtuar nga Edi Reja do të zhvillojë testin e parë miqësor ku do të ketë skuadrën britanike e cila do të jetë pjesëmarrëse e kompeticionit EURO 2020.

 

FT: UELLS-SHQIPËRI 0-0

KOMENTI LIVE: 

90′ Akordohen 2 minuta shtesë!

82′ Vetëm pak minuta në fushë, Laçi ndëshkohet me karton të verdhë. Sherr masiv në mesfushë. Ndëshkohet edhe Abrashi me karton të verdhë.

77′ Tjetër zëvendësim te Shqipëria, largohet Manaj në fushë Seferi.

76′ Reja kryen edhe 2 zëvendësime të tjera, largohen Bare dhe Çekiçi në lojë Laçi dhe Kallaku.

73′ Uellsi regjistron goditjen e parë në kuadrat me anë të numrit 3 Uilliams, fantastik Selmani i cili ndal topin në dy kohë.

71′ Zëvendësim te Uellsi, në fushë hidhet ylli i Totenhemit, Gareth Bejl, i cili zë vendin e Roberts.

68′ Provon Uellsi me Uillson, por tentativa e tij shkon jashtë kuadratit.

60′ Zëvendësim te Shqipëria, largohet Balaj, vendin e tij e zë Cikalleshi. Largohet edhe Lenjani, në fushë Trashi.

59′ Abrashi për pak sa nuk shkakton një autogol, me një devijim të rrezikshëm të topit.

58′ Moment tepër pikant, pas një dyluftimi në mesfushë mes Manajt dhe Dejvid, ky i fundit shtyn sulmuesin e Kombëtares, në afërsi të stolit kuqezi, duke rrëzuar edhe trajnerin Edi Reja. Futbollisti i Uellsit ndëshkohet me karton të verdhë.

55′ Uilliams provon me një goditje të rrezikshme nga distanca, por tentativa e tij shkon jashtë kuadratit.

49′ Berat Gjimshiti provon me një gjuajtje nga distanca, por tentativa e tij shkon jashtë kuadratit. Shqipëria bën presin në sulm.

48’ Manaj rrëzohet para zonës si rrjedhojë e një kontakti me Devis ndërs ndiqnin një top të gjatë nga prapavija, por gjyqtari bën shenjë që loja të vazhdojë.

46′ Starton pjesa e dytë, Reja kryen menjëherë një zëvendësim, largohet nga fusha Doka, vendin e tij e merr Veseli.

Mbyllet pjesa e parë! 

45′ Sërish tension në fundin e ndeshjes, ku protagonist ishte Doka, i cili u kap me një prej futbollistëve uellsianë, por për fat të mirë, gjithçka u shua shpejt.

39′ Provojnë së rrezikojnë edhe uellsianët me Ramsejn, por e ndjek aty mjaft mirë Abrashi, tentativa e mesfushorit të Juventusit, shkon jashtë kuadratit.

38′ Çekiçi harkon një top të rrezikshëm pas një zhvillimi të një goditje këndi, por largon në momentet e fundit futbollisti Ampadu.

37′ Momente tenioni mes Gjimshitit dhe sulmuesit Bruks. Gjyqtari ndëshkon me karton të verdhë Manajn dhe Bruks. Tension krejtësisht i panevojshëm.

33’ Ramsej është i vetmi që mundohet të gjejë hapësira në qendër të prapavijës kuqezi, por deri tani nuk ka patur asnjëherë mundësinë që të tentojë portën e Selmanit.

28′ Ismajli ndëshkohet me karton të verdhë për ndërhyrje të gabuar në mesfushë.

22’ Një goditje dënimi në të djathtë të sulmit nuk shfrytëzohet siç duhet nga kombëtarja shqiptare, pasi Çekiçi shpërdoron duke mos arritur të harkojë topin në zonë.

16′ Rast i artë për Shqipërinë me anë të Rei Manaj, që provon me një gjuajtje të rrezikshme brenda zonës, por sulmuesi ka qenë i pafat, pasi topi ka shkuar ngjitur me traun e portës.

10′ Minuta të mira për Shqipërinë, që mbrohet mirë dhe provon herë pas here të surprizojë uellsianët.

5′ Shqipëria shfaqet më kërkuese në këto minuta të para, duke ushtruar presion të vazhdueshëm në zonën e Uellsit, por ende nuk është regjistruar asnjë rast konkret në portat respektive.

1′ Starton sfida miqësorja!

Related posts

Bëri histori me Rusinë, trajneri merr “bekimin” nga Federata Ruse (FOTO)

Isa.Autor

STATISTIKAT FANTASTIKE/ Penallti e fituar dhe asist spektakolar, Rroca zgjidhet sërish njeriu i ndeshjes në Turqi

Delo.autor

“I PALUMTUR TEK ARSENAL?” Taulanti flet për të ardhmen e Granit Xhakës

Delo.autor

Leave a Comment