Tottenham ka barazuar 1-1 me Southampton në 1/16-at e kompeticionit më të vjetër europian, FA Cup.
Ishte një ndeshje e vështirë për të besuarit e Jose Mourinho-s duke parë formën e mirë që po kalon Southampton, sidomos teksa Spurs-ave u mungon sulmuesi kryesor Harry Kane dhe e kanë pasur të vështirë të shënojnë në portat kundërshtare.
Heung-Min Son ka shënuar golin e avantazhit për miqtë në minutën e 58’. Kur u duk sikur sfida do të fitohej nga Spurs, Boufal ka barazuar për vendasit në minutën e 87’.
Barazimi do të thotë se dy skuadrat do të takohen përsëri, këtë herë në White Hart Lane, për të vendosur se kush do të kalojë në 1/8-at e kupës.
Në ndeshjet e tjera, Leicester ka mposhtur 1-0 Brentford jashtë fushe me golin e vetëm të sfidës të shënuar nga Iheanacho në pjesën e parë. Norwich ka mposhtur Burnley 2-1, ndërsa Sheffield ka fituar 2-0 ndaj Millwall.
Newcastle do të riluajë ndeshjen me Oxford pas barazimit zhgënjyes 0-0. West Ham ka humbur 1-0 nga West Brom që e ka mbyllur takimin me një lojtar më pak.
