Barcelona pëson humbje shokuese në fushën e Valencias. Katalanasit u mposhtën me rezultatin 2-0 në “Mestaja” duke i dhënë një mundësi të shkëlqyer rivalëve të Real Madridit për të marrë kryesimin e kampionatit spanjoll.
Valencia mund të kishte shënuar që në pjesën e parë kur Gomez ekzekutoi në mënyrë të gabuar penalltinë.
Por, vendasit nuk u dorëzuan dhe 3 minuta nga fillimi i pjesës së dytë ndëshkuan kampionët e Spanjës kur goditje brenda zonës u devijua nga mbrojtësi i Barcelonës Xhordi Alba.
Megjithë presionin e vazhdueshëm të skuadrës blaugrane, Valencia arriti të kundërpërgjigjej sërish në minutën e 77-ë kur një kundërsulm i organizuar i vendasve u shndërrua në gol nga Gomez.
Rezultati mund të ishte thelluar në minutën e 82-ë, por me anë të VAR-it u shpall i parregullt.
Kjo është humbja e parë për trajnerin e ri të Barcelonës Kike Setien.
